Nunduk Manggarai: Sunding Dise Empo - Nerapost

(Sumber gambar: www.dictio.id)

Oleh: BD

One ca beo manga sua tau anak reba. Ata raes keta. Ngasang d sua anak reba ho’o hia kelam Kula agu hia kelam Betu. Pas ca leso, ise sua lonto agu hang enak. Reme dian hang, tiba-tiba hia kelam Kula pecu. Pecu ho’o wau keta. Mai babang diha kelam Betu “Ceing hot pecu ta”. Hia kelam Kula sibuk hang keng hia. Toe manga walen liha rei d kelam Betu. Hia Betu rei terus. Ceing keta ata pecu ho’o. Mai wale diha kula, “asa hau ta. Laseng pecu dhau wau keta”. Toe manga tiba liha Betu mangkong pecu diha Kula. Lewen lewang, toe manga can ata mengaku, ceing ata setu’un hot pecu.

Le toe manga ata mengaku, mai hia kelam Kula. Jaong hia kelam Betu “Nggo e kelam Betu ai toe manga ata mengaku dite sua. Com uji dite sua ge”. Mai wale d kelam Betu ga “Eng ta, nian ket ”. Mai kole toe diha Kula ga “Aku pasang wokang sina mai ngali ho’o e. Ceing ata lompat agu hena wokong hitu to’ong berarti hia hitu ata pecu”.

(Baca juga: Nunduk Manggarai; Pondik - Nerapost)

 Mai hia Kula ho’o pasang wokong sina mai ngali ho’o. Lompat pertama hia Kula. Weki heal diha kula ngance liha lewat wokang hitu. Poli hitu ga, lompat hia Betu. Le mendo bara agu mese weki, hia Betu pas keta one wokang ho’o. Wokang ho’o tusuk tuka diha Betu sampe mata.

Ita mata hia kelam Betu, hia Kula retang. Co keta tarang ngo’on keta bao ga. Kudut kenang hia Betu. Mai hia Kula ketek ikon Betu ho’o. Mendo keta nia diha pas du ketek ikon hia Betu. Ai teman ata hae labar diha pu’ung danong. Mai hia kula ala ikon Betu ho’o, pande sunding. Poli panden sunding ho’o.

 Mai hia Kula tebang sunding ho’o. Neles keta runin sunding hitu. Pas hia Kula lako loleng wae, agu tebang keng sunding. Cai one haju ara mese. Nihu baon hia Kode senget neles sunding diha Kula ho’o. Mai hia Kode tegi celong sunding hitu. Hitu kali awar le Kode kudut selong sunding hitu. Hia Kula toe manga teing. Mai tae de Kula “Asi ta de, sunding ata pedeng dise empo daku ho’o”. Awar terus kin le Kode kudut eng selong sunding hitu.

(Baca juga: Lentera Tuhan || Puisi Nadya A. S. Banggur)

Leng bail awar liha Kode, mai hia Kula teing sunding ho’o. Nggitu kaut ket diha Kode, tebang sunding ho’o. Minak keta one nai de Kode ho’o ai denge runin sunding hitu. Humer keta nai diha kudut tako sunding ho’o. Reme  temo hia Kula, mai hia Kode tako sunding ho’o. Wendo liha one loleng wae len. Hitu kali kudun le Kula ho’o, toe kin ngance.

Kode ho’o losi eta haju eros. Toe keta ngance tuken le kula ho’o. Retang ngahol Kula ho’o nuk sunding ata wendo le kode. Reme dian retang Kula ho’o, mai Semberuang eros, rei kula ho’o “Oee kela Kula, ata co tara retang dite ta”. Mai wale d Kula ho’o “Ole Semberuang, retang nuk sunding ata tako le Kode ta. Ba eta lobon haju eros hio liha e. Hitu etap runin ta”. Hia kela Kode tebang terus liha sunding ho’o eta lobon haju.

Mai tae d Semberuang ho’o “Eng ta, aku damang ala etan e”. Ngo etan Semberuang ho’o. hitu kali rampet liha Kode ho’o. Toe keta kin nganceng. Kode ho’o ekep one panga haju mese. Kole Semberuang ho’o, tombo one Kula ho’o “Oe kela, toe manga nganceng ta. Leng mberes Kode ho’o eta e”.

(Baca juga: Marla dan Kota Metropolitan || Cerpen BD)

Retang ngahol Kula ho’o lako loleng wae. Retang nuk sunding, apan kole sunding ata pande one mai iko d teman labar diha. Retang Kula ho’o sampe bara taung matan. Pas one ca watu mese, kraeng Tuna nge kaeng diri leso. Senget liha ceing keta hot retang ga. Ngandek nggitu hia eta mai wae. Hia kelam Kula nge lonto jojop eta mai watu.

Mai rei diha Tuna “Oe kela Kula, apa keta rajan bao retang hitu dite ta”. Mai wale diha kula “Oee kela, retang nuk sunding ata tako liha Kode ta. Wendo eta haju eros liha”. Mai tae de tuna ho’o “Ole da’at keta hia Kode hitu e, apa keta pu’ung tara takon liha ta”. “Ole ite toe manga baen kole ta. Cait sunding ata pedeng dise empo ta”. Ome nggitu ge, aku benta taung roeng daku ge. Calang ngance bantu koe lise to’ong.

(Baca juga: Kopi Tetangga || Cerpen Yohan Rudin

Mai kraeng Tuna ho’o benta taung roeng ne. nempung ise, ceing ata ngance tuke haju eros. Mai tae diha kraeng Rukus agu Rogo, “Ole ite, com ami ket ata tuke ne. Gereng wa ket ite”. Hamas Rukus ho’o etan. Hia Kode, reme tebang sunding kin hia. Toe manga sadar liha, manga ata tuke one haju hot kaeng diha. Reme dian hia tebang sunding, mai hia Rukus ho’o akit one pa’a ne. Betin akit d Rukus. Mai kode ho’o koket Rukus ho’o. Pas du koket hitu, sunding ho’o loda wan. Loda cengkali agu Kode ho’o. Pas wa pu’un haju ho’o ata do. Mai ise leok Kode ho’o sampe mata.

Mai tae diha Tuna “Ole ite, calang ngance tebang koe di lite ta”. Mai kula ho’o tebang sunding ho’o. Dia keta runin sunding ho’o. Naring taung lata one tempat hitu. “Ole pas tara retang dite bao e, kali dia keta runin sunding dite hitu”. Mai kula ho’o terimakasih one kraeng tuna agu hae roeng ne.

 Tulisan ini pernah dimuat di Letangmedia.com